കേരള പോലീസ് ഡിപ്പാർട്ട്മെന്റിന്റെ ഭാഗമായി, ഉയർന്ന നിലവാരമുള്ള പോലീസ് സേവനങ്ങൾ ജനങ്ങൾക്ക് നൽകാൻ ഞങ്ങൾ പ്രതിജ്ഞാബദ്ധരാണ്. പൊതു സുരക്ഷ വർദ്ധിപ്പിക്കുന്നതിനും പൗരന്റെ അവകാശങ്ങൾ മാനിക്കുന്നതിനും അന്തസ്സ് ഉയർത്തുന്നതിനും ക്രമസമാധാനം നിലനിർത്തുന്നതിനുമുള്ള ഞങ്ങളുടെ ശ്രമങ്ങൾ ഞങ്ങൾ നിരന്തരം വിലയിരുത്തുകയും മെച്ചപ്പെടുത്തുകയും ചെയ്യും.

വ്യക്തികളുടേയും കുടുംബങ്ങളുടേയും സമൂഹത്തിന്റെയും അവകാശങ്ങളും ഉത്തരവാദിത്തങ്ങളും ശരിയായി സന്തുലിതമാക്കുന്ന സമൂഹത്തെ സുരക്ഷിതമാക്കുക എന്നതാണ് പോലീസിന്റെ കടമ.

പോലീസിന്റെ പ്രധാന ലക്ഷ്യങ്ങളാണ്

• പൊതുജന സുരക്ഷ, ക്രമസമാധാന പാലനം ഉറപ്പു വരുത്തുക,
• കുറ്റകൃത്യങ്ങളും കുറ്റകൃത്യങ്ങളോടുള്ള ഭയവും കുറയ്ക്കുക,
• നിയമവാഴ്ചയിൽ പൊതുജന വിശ്വാസം വർദ്ധിപ്പിക്കുകയും, നിലനിർത്തുകയും, സംരക്ഷിക്കുകയും ചെയ്യുക എന്നത്.